🇮🇳🇮🇳 स्वातंत्र्य 🇮🇳🇮🇳

       

            आज 72 वर्ष पूर्ण होतायत आपल्याला स्वतंत्र होऊन. सन 1947 ला जेव्हा आपल्याला स्वातंत्र्य मिळालं तेव्हा सर्वांनी हाच विचार केला असेल की आता आपण स्वतंत्र आहोत, कुणाच्या अधिपत्याखाली नाही. आता आपण खूप प्रगती करणार, देशाला एका उंच शिखरावर नेऊन ठेवणार.पण खरंच तस होतय का ?
            आपल्याला स्वातंत्र्य मिळवण्यासाठी कित्तेक लोकांनी आपले प्राण पणाला लावले. सुभाषचंद्र बोस, महात्मा गांधी, भगतसिंग, सुखदेव, राजगुरू अशी नावे घेईल तितकी कमीच. या लोकांच्या मनात स्वतःसाठी अस काहीच नव्हतं एकच गोष्ट होती ती म्हणजे देशप्रेम. या शब्दापुढे त्यांना काहीच दुसर नव्हतं. आता आपण विचार केला पाहिजे की जसा स्वतंत्र भारताचा जसा विचार त्यांनी केला होता तसा भारत अस्तित्वात आहे का?
              आताच्या पिढीत 15 ऑगस्ट च्या दिवशी घरात असणारा युवक साधा जवळपासच्या ध्वजारोहनाच्या कार्यक्रमाला उपस्थित राहण्यामध्ये रस दाखवत नाही मग या युवकांमध्ये देशप्रेमाचा अभावच असणार आहे. अब्दुल कलाम यांनी ज्या महासत्ता भारताचा विचार केला होता तो भारत एकट्या त्यांच्या प्रयत्नातून घडणे अशक्यच आहे. सर्वांना त्यामध्ये योगदान देने गरजेचे आहे. सध्याच्या पिढीला हे लक्षात आले पाहिजे की जर तुम्ही देशाला एक जरी गोष्ट दिली तरी देश त्याबदल्यात तुम्हाला खूप काही देणार आहे. आज आपली होणारी प्रत्येक कृती ही देशहिताची असली पाहिजे. जर आपल्याला स्वतंत्र आणि स्वयंपूर्ण भारत पहावयाचा असेल तर आपल्यालाच पाऊल उचलले पाहिजे.
                तर चला आपणच आपल्या देशाला पुढे नेण्याचे काम करूया. 
                                 । जय हिंद ।